كل ما تريد معرفته عن الفرقة الثالثة :

عشرون نصيحة للتفوق الدراسي
1:عليك بتقوي الله قبل وبعد كل شىء فهي جماع الأمر كله فضلا عن الراحة النفسية التي تسببها تقوي الله تعالي وتساعد علي النجاح والتفوق
2:اهتم بتهيئة نفسك للاستذكار
3:حدد لنفسك وقتا خاصا تبدأ به المذاكرة
4:اتخذ جلسة الانتباه لا جلسة الاسترخاء والتكاسل التي تعطل الاستيعاب
5:كثيرا ما يكون البدء في المذاكرة صعبا لذا يستحسن البدء بأعمال روتينية كتنظيم المذكرات والكراسات أو نقل درس ناقص يكون هذا بمثابة استعداد وشحذ للمذاكرة
6:راجع الدرس الماضي قبل البدء في الدرس الحاضر
7:الحرص علي الأخذ بالتوجيهات التي تساعد علي النوم الهادئ المريح
8:استخدام الألوان المختلفة من الأقلام في الكتابة اذ الانفتاح النفسي مهم جدا في المذاكرة
9لأنشطة وأبرز نفسك في الساحة :شارك في االمدرسية أو الجامعية
10:حسن علاقاتك مع مدرسيك فان ذلك مدعاة للهتمام بك وبخاصة في اوقات غيابك
11:اذا فرغت من الواجبات والمذاكرة والمراجعةفلا بأس من أن تجهز نشاطا صفيا للدرس القادم
12:سجل كل علامة تأخذها من أي مادة في نهاية الكتاب الخاص بالمادة
13:حافظ علي نظافة طاولتك المدرسية
14:لا تتعود علي الغياب ولا تتغيب الا عند الضرورة القصوى
15:احرص علي الرفقة الصالحة التي تعينك علي طاعة الله والدراسة
16:لا تطل الجلوس أمام التلفاز ولا الحاسوب
17:دائما احمل معك مذكرتك الخاصة لكتابة اي امر طارئ او موعد او واجب تؤديه
18:استخدم اي طاقة ابداعية تملكها بالتميز الدراسي مثل الخط او الرسم او المشاركة في كتابة مجلات الحائط او الاسر الجامعية وغيرها
19:اعلم جيدا أن الاخلاق الحميدة في المدرسة أو الجامعة من أهم عوامل النجاح والتفوق
20:فكر بالتميز ثم التميز ثم التميز ثم التميز ثم التميز وثق بنفسك أنك تستطيع الحصول علي المركز الاول
وأخيرا وليس آخرا
لابد أن تتحلي بالصبر وتكون لديك روح التحدي فيجب أن تتحدى نفسك وتتحدي التراخي وتتحدي كل العقبات في سبيل الوصول الي هدفك
والله الموفق

***

علشان تبقوا عارفين من اولها ايه النظام

اولا انا باتكلم من وجهه نظري البحته
بمعنى ان اي حد هيلاقي الكلام مش مناسب معاه دة عادي لانه اختلاف طباع يعني
في طريقه المذاكرة او اخد درس ولا بلاش او او
كل واحد وعارف امكانياته

ثانيا لو في اي وقت لاقيت ان في حد عنده كلام احسن هيفيدكم يبقى كلامي يتشال وكلامه يتحط
انا اقصد في المقام الاول والاخيرمصلحه حضراتكم يعني

نبدا بقى

بسم الله الرحمن الرحيم


سنه تالته بيقولوا انها صعبه اوي اوي اوي صح
دة كلام فارغ جدا جدا جدا

بصوا انا عندي نظريه بتقول مع المذاكرة مفيش حاجه صعبه ومن غير مذاكرة مفيش حاجه اسمها سهله

هتذاكر وتركز ربنا مش هيخيب تعبك وهتلاقي الدنيا بيس وعادي جدا وهتجيب اعلى مجموع في تالته لانها مضمونه اوي على فكرة بس اللي يبقى عارف كدة من البدايه يعني
هتلعب هتاخد على دماغك لما تستوي وبالذات السنادي

ليه بقى ان شاء الله

اولا
لان العملى كبير في بعض المواد كبير بشكل مش حلو بصراحه
انا باتكلم ع الناس اللي مش بتاخد دروس وبعتمد على ربنا في المقام الاول ثم على مجهودها في المقام الثاني

نرجع لكلامنا
العملى كبير وقائم على النظري بشكل عنيف

لو ذاكرت النظري اول باول يبقى كدة العملى بالنسبالك هيبقى سهل اوي وتتابع فيه تبقى ميه ميه

تهزر بقى وتاجل النظري يبقى العملى مش هتذاكره يبقى هتحفظه ولازم تقعد تعيد وتزيد فيه يجي عشرميه مرة علشان يثبت

ثانيا
المواد ممكن تستفيد منها وانت بتذاكرهامع بعض يعني ايه
يعني هتستفيد من الميكرو وانت بتذاكر فارما وتستفيد من البارا وانت بتذاكر باثولوجي
في تشابترز كامله هتقراها فقط في الباثولوجي لو انت مذاكر بارا كويس وفي منهامش هتفهم علاقته بالحياه لو مفتحتش البارا


تلات اربع درجات الماده بايدك تجيبها وانت حاطط رجل على رجل باذن الله طبعا يعني

اكتر ماده ممكن تسمع فيها شرايط هي هذه السنه


ليه بقى ان شاء الله

لان السنادي الدروس فيها بالهبلللللل
والتسجيلات قديم وحديث مرميه في كل مكان
ولو قدرت تحدد من البدايه هتسمع لمين هتجيب مجموع متحلمش بيه
طبعا مش بقول اقعدوا في البيت وبلاها كليه لا طبعا
في محاضرات مهمه اوي
ومتابعه الاخبار حاجه لابد منها
لكن في اجزاء كدة هاقولكم فلان بينزل هنا وهنا لازم تحضروله وهنا بلاش والماده دي كذا بس انتوا تبقوا تركزوا ان شاء الله


بسم اللله الرحمن الرحيم

مجموع درجات سنه تالته 950 ان شاء الله

وتوزيعها كالتالى

300 باثولوجي
300 فارما
200 ميكرو
150 بارا

***

نمسك بقى الفارما
مش علشان اصعب ماده
لا علشان هي احبهم على قلبي

بصوا يعني ايه فارما اصلا :؟؟؟

دى مادة بيديك الادويه فيها الاسم العلمى بتاع الدوا
الاكشن بتاعه ع الجسم وايه الاعراض الاجنبيه والموال دة
طبعا باالانجليزي يعني

المهم بقى توزيعه المنهج واهمية كل جزء

في البدايه خالص هتاخدوا تشابتر كدة لذيذ اسمه
general
دة هتاخدوا فيه كل حاجه واي حاجه

بصوا هما في مذهبين
مذهب يقولك ذاكروا الاول وهتتعب بس لما هييجي سيرته في النص هتبقى مستريح عن غيرك كتير
ومذهب تاني بيقولك طنشه خاااااااااالص وذاكروا في الاخر هتلاقي الدنيا بيس

انا معرفتضش المذهبين دول الا في نص السنه
واللي عملته اني كنت بذاكر كويس الحمد لله بعد المحاضرات وكنت باقعد الون الكتاب والخص واعمل دياجرامز وهيصه بس بصراحه استريحت قوي باقي السنه
بس المشكله الوحيده هي الامثله

يعني ايه برده

يعني مثلا هيشرحلك ان الدوا لما تيجي تاخده عن طريق الفم يعني
oral
بيروح يتكسر في المعده وفي منهم بيتكسر اوي اوي لدرجه ان الجسم مش بيوصلوا حاجه علشان كدة بنديه حقن او ماشابه
وبعدين يديك امثله زي فلان وعلان

حضرتك بقى مشكورا تذاكر الكلام كله ماعدا فلان وعلان تقراهم فقط
انا كنت بضيع وقت في نطق الدوا وحفظه واجع انساه اقوم اتعقد واقعد الف حوالين نفسي كدة كتير

كدة تمام

بعد كدة هتدخل بقى في الجد تشابتر جميل ومهم اوي اوي اوي
يعني لو جم بداوا فيه وحضرتك لسه مش خلصت الجينيرال ولا كان حضرتك وراك حاجه وتمشي معاهم حرف بحرف وكلمه كلمه
هو اهم تشابتر على الاطلاق
الا وهو
ANS
autonomic nervous system
الادويه اللي شغاله عليه
في الاول هيفكروك بالذي مضى
ال
receptors
ganglia
chemical transmitters
وبعدين هيدويها بقى ادويه

كمان مرة دة اهم تشابتررررررررررررررررررررر في المنهج على الاطلاق

لانه بيجي فيه اسئله كتير
في الحياه العمليه هتكتبه كتير كتير
وكمان في تشابترز كتير هتيجي معتمده على مذاكرة حضراتكم للجزء دة

بعد كدة هتاخدوا تشابتر من ورقتين اسمه
eye pharmacology
الادويه برده اللي بنستخدمها للعين وليه

بعد كدة هتاخدوا شويه تشابترز لذيذه كدة وسهله اوي طالما الاوتونوميك اتروق يعني

autacoids


CVS
cardiovascular system


RENAL


respiration

وبكدة يكون انتهى التيرم الاول على ما اذكر يعني

على فكرة دة مش الكلام النهائي
بمعنى ان لو في كلام افتكرته لازم يتقال هاكتبه بلون مختلف وهقولكم في الموضوع بتاع التعليقات

ربنا معاكم يا دكاترة ان شاء الله

***


الامتحان بتاع الميد تيرم بيبقى كله ام سي كيو
عليه 48 درجه
ان شاء الله في جيبكم على فكرة يعني مش صعب ولا حاجه

وبعدين ندخل التيرم التاني

بتبداواااااااا بتشابتر كبيييييييييييير اوي بس في اجزاء منه مهمه اوي اوي الا وهو
cns
التشابتر دة لازم تحفظوه وتذاكرووه كويس
لانه بيبجي نظري وبيتسال شفوي لازم لازم لازم

في اجزاء منه مهمه جدا زي مثلا
morphine
NSAID
المجموعه الاخيره دى بنسخدمها كتير اوي في المنهج وفي الحياه العامه على فكرة وبالتالى لازم تتسال فيها ولا زم تحفظها كويس ان شاء الله

وبعد كدة هتاخدوا التشابترز اللي جايه دي

GIT
ودة مهم اوي على فكرة في الشفوي لاننا هنتعامل بيه كتير ان شاء الله لما نبقى اطباء يعني

hormones
في منه اجزاء مهمه اوي زي
corticosteroids

لازم تتسالوا فيه برده

blood
وبرده مهم اوي الفرق بين ال
warfarine & heparin

ودة بقى الكوماندا المهم
بجد بعد الاوتونوميك والسي ان اس هو دة
وفي لجان في الشفوي تتدخل مش هتتسال غير

chemotherapy
يعني المضادات الحيويه بالبلدي كدة
هو بصراحه المضادات الحيويه جزء منها بس يعني عقبال ما تاخدووووه

مشكله الجزء دة انكم بتاخدوه في الاخر فبتروحوا قالبينه مع انه مهم اوي اوي بصراحه



miscellaneous
حتى مش عارفه اكتبها ههههههههه
جزء كدة في الاخر مجمعلك فيه كلام مالوش علاقه ببعضه
بس في حاجات منه مهمه برده


هاقوم اعمل الشاي وارجع اكمل ان شاء الله

ابقوا معنا

***

رجعت ولا كاني بكلم نفسي
عادي خالص


ازيكم عاملين ايه ؟؟

دة كله كان النظري بتاع الفارما

طب والعملى

يختلف العملى من التيرم الاول الى التيرم التاني ......يعني ايه ؟؟

يعني في التيرم االاول هيبقى العملى عباره عن تجارب على اعضاء حيوانات

مش حاجه مقرفه اوي او بمعنى اخر مش مقرفه اصلا دة لاننا مش هنعمل اي حاجه بادينا

هيتعمل قدامكم في القسم

وبعدها حضراتكم هتيجي الاسئله يقولك

حينا للقطه كذا في عينها ايه اللي هيحصل ...؟؟؟ هتقولوا هتوسع مثلا طيب ولو حطينا كذا بعد كذا يبق ايه اللي هيحصل ...؟؟؟

فوازير يعني

من الاخر هي ورقه اسكيم عبيطه في الاخر هتبقى مع كل حد هتدخل بيها الامتحان باذن الله ودرجاته اهبل من الهبل
ودة بيبقى السؤال االواحد عليه اجابه واحده



العملى بقى بتاع التيرم التاني يا دكاترتنا
اسمه كلينيكال
يعني هتاخدوا فيه امراض بقى بحقيقي وتعالجها بايه والجرعات وكدة
لو مذاكر نظري طويس يبقى خلاص اتحلت بعد ما هتحفظ كام ورقه اسكيم وشويه جرعات

بس العمليه اصعب سنه بسيطه لان ممكن السؤال يبقى ليه اكتر من اجابه
والغلط بالناقص

بمعنى ان لو السؤال المفروض اجابته
a b & c
وحضرتك عملت
a& b
بس
يبقى هتاخد 1 من 3 لان الغلط مسحت واحده صح .....فخمتوا ؟؟؟


يبقى دة العملى ان شاء الله

بالنسبه بقى للناس اللي ممكن تسمعولهم

منهم الدكتور احمد عبد الرحمن
انا مش عايزة امدح بجد الراجل دة لان مهما قولت مش هوفيه حقه
اخلاقه عاليه جدا
متواضع جدا
وانا بحب شرحه جدااااااااااااااااااااا جداااااااااااا

جزاه الله خيرا يعني

والسنه اللي فاتت دكتور سلامه اتفق معاه اننا نحط حصه بحصه وهو رضي الحمد لله وكنت بنقلها انا وزمايلي..

***************_****************_**************

في دكتور محسن
ودة راجل عملاق بصراحه
بس تسجيلاته قديمه شويه مش عارفه ليه

وعلى فكرة انتم حظكم رائع لان دكتور محسن بدا ينزل محاضرت الصبح زي دكتور رشيد كدة وللاسف بدا معنا متاخر فمش لحقت اسجل كل حاجه بس هاحط اللي انا سجلته يعني
ربنا يقدركم ان شاء الله وتقدروا تتابعوا معاه


***************_*****************_***********

وفي كمان دكتور الرخ كان برده بيدي دروس والناس كانت بتقول عليه كويس بس انا مش جربته باذن الله هحاول احطلكم لينكات الدروس باذن الله

معلش نكمل بعدين
سلام

***


كدة اتكلمنا عن النظري والعملى واللي ممكن تسمعولهم من الدكاترة

ناقص الدروووووووووووووووووس

عرف ان اللي بيدوا دروس برده الناس اللي ليهم شرايط طبيعي يعني

دكتور احمد عبد الرحمن ....دكتور محسن ....دكتور السيد الرخ


بالنسبه للكتب او مصادر المذاكرة

المفروض ان في كتاب للقسم وهو دة اللي انتم ملتزمين بيه

لكن في ورق لدكتور احمد عبد الرحمن بينزله قبل كل حصه وممكن تصوروه من سنتر خمسه اللي قدام باب اسنان

وفي كتاب دكتور محسن وهو كتاب كبير شويه بس في كلام كتير اوي ومفيد اوي على فكرة للي عايز معلومات زياده يعني

وفي كتاب لدكتور السيد الرخ

وكمان كان منزل كتاب اسمه ماجيك يعني بحس انه ملخص للفارما بس دة للمراجعه مش المذاكرة مع اني مش ذاكرت منه خالص

انا بقى كنت بجيب ورق دكتور احمد مع محاضراته اللي معاكم لينك موضوعها واسمع واذاكر من الورق وابص بصه على كتاب القسم لايكون في كلام زياده بس ماعتقدش لان دكتور احمد كان بيظبط الورق على اساس كتاب القسم
كنت دايما بلاقي كلام زياده عن كتاب القسم مش العكس يعني

المراجعه بقى
دكتور احمد كان بينزل ورق ام سي كيو في السنتر برده وملزمه اسئله قصيره برده في السنتر
بس دة في الاخر قبل الامتحان يعني



*********************_*************************

بالنسبه بقى للامتحان يا داكترة وتوزيعه الدرجات

الترم الاول 48 درجه
امتحان ام سي كيو

شوك اكسامز 12 درجه ... تقريبا
shock exams

العملى الكلينيكال بتاع التيرم التاني 50 درجه
ودة بيبقى ام سي كيو برده

امتحان الفاينال بقى
النظري بيبقى على يومين
الورقه الاولى بتبقى اسئله قصيره عليها 80 درجه

الورقه التانيه بتبقى ام سي كيو عليها 70 درجه

تقريبا

الشفوي 40 درجه
على لجنتين وانا هاعملكم موضوع ان شاء الله في كل اسئله الشفوي بتاعت كل المواد للتلات سنين اللي فاتوا بس انتوا قولوا يارب


**************_****************
كدة اعتقد كلامي عن الفارما خلص

وان شاء الله لو في حاجه زياده افتكرتها هاكتبها ان شاء الله وابقى اقولكم في الموضوع بتاع التعليقاااااااااااااااااااااات باذن الله



ربنا يوفقكم باذن الله
كفايه كدة انهارده ونكمل وقت تاني ان شاء الله

سلام عليكم
***

السلام عليكم ورحمه الله وبركاته

ازيكم يا شباب

ان شاء الله هنبدا الكلام عن الباثولوجي

الدرجات 300 درجه ان شاء الله

هامشي بنفس الترتيب بتاع الفارما علشان بس محدش يتلخبط باذن الله

بصوا يعني ايه باثولوجي اصلا :؟؟؟
الباثولوجي مادة بتتكلم عن الامراض معناها اصلا علم االامراض
بس هي ماده تقيله حبتين

المهم بقى توزيعه المنهج واهمية كل جزء
بالنسبه للباثولوجي مقسم لقسمين
القسم الاول اسمه
general pathology
ودة اللي هتاخدوووووووووووه كله في التيرم الاول ان شاء الله

والقسم التاني
special pathology
,دة هتاخدوا منه تشابتر واحد في التيرم الاول والباقي في التيرم التاني ان شاء الله

نتكلم بايجاز عن كل جزء والكتب اللي ممكن تذاكروووا منها

الجزء الاول اللي هو الجينيرال
هيبقى الكلام فيه جينيرال
بمعنى ان هتلاقي تشابتر بيتكلم عن الالتهاب ومعناه واعراضه و و و
وتشابتر بيتكلم عن الجسم ازاي بيصلح اي جزء فقد منه او اي اصابه تحصله
وهكذا حاسين ان الكلام عام صح ؟؟
طب بصوا الجزء التاني بيتكلم عن ايه وانتوا تفهموا قصدي اكتر

الجزء التاني بياخد سيستم سيتسم وبيتكلم عن كل عضو فيه وايه الامراض اللي ممكن تيجي في كل عضو

يعني ياخد الجهاز الهضمي ويقولك متكون من كذا وكذا
ويمسك الفم على سيبل المثال ويقولك الامراض اللي بتيجي في الشفاه الشفايف يعني واللسان وهكذا

كدة العمليه وضحت اعتقد

المعلومه اللي جايه انا مش عرفتها الا قبل امتحان التيرم الاول
فلو ركزتوا فيها وعرفتوا تستغلوها هتكسبوا وقت كبييييييير اوي

الباثولوجي يا دكاترة طريقه مذاكرته وحفظه واجابته في الامتحان سيستم
نقط معينه تترص ورا بعض وعليك انك تملا النقط دي
يعني ايه برده
يعني مثلا نمسك موضوع الالتهاب في الجينيرال اللي حكيتلكم عليه
وتتكلموا في النقط دي على الترتيب
definition
ودة يعني ايه الكلمه اللي انتى بتتكلم عنها _ شرح للعنوان نفسه_ ودة يحفظ كما هو بعد فهم كل كلمه فيه طبعا
ولازم يتقال في النظري قبل كل سؤال
وممكن يبقى الشفوي بتاعك كله تعريفات
كدة وضحت اهميته

aetiology
يعني السبب اللي خلى المرض دة يحصل
ودة هنتكلم عنه بعدين لما نتكلم عن دكتور فيصل ان شاء الله

pathology
يعني شكل المرض بالعين المجرده اللي اسمه بالباثولوجي
macro
وشكله تحت الميكرسكوب يعني بالباثولوجي
micro

وبعد كدة تكتب
complication
معنها اللي هيحصل للمرض لو مش اتعالج

واخيراااااااا
fate

مصير هذا المرض


براحه بقى
يعني اي موضوع هترص فيه الرصه دي

definition
aetiology
pathology
macro & micro
complication
fate

العمليه سهله جدا
لو انت فاهم كويس
وعارف انت بتقول ايه
ولو مربط العملى مع النظري لانه هيفديك اوي وانت بتكتب الباثولوجي
مش هتبقى مجرد واحد بيسمع لا انت واحد بيوصف من اللي شاف

ومتقلقوووووووووووووووووش هفهمكم ان شاء الله


كدة عرفنا نظام المذاكرة ماشي ازاي في كل المنهج اوك

بغض النظر دلوقتي عن محتواه

ومحتواه انتم اخدتوا فكره عنه برده

لما فهمتكم يعني ايه جينيرال ويعني ايه سبيشال باثولوجي

مصادر المذاكره بقى


في كتاب اللي حدده القسم السنه اللي فاتت
كتب الاستاذ الدكتور جمال ندا

كتب كويسه مش بطاله
بس انا بصراحه شكله معجبنيش مشجعنيش ع المذاكره

وفي كتب الدكتور على هنداااااااااوي
كتب غايه في الروعه
معلوماته اكتر من الكتاب اللي حدده القسم
ومنظم عن كتاب القسم
فيه رسومات توضيحيه

بس فيه مشكلتين لا ثالث لهما ان شاء الله

اولا في كلام مختلف عن كتاب القسم اللي هيجي منه الامتحان
ودة ممكن يقلق بعض الناس

والاهم بقى ان التسجيلات بتاعت دكتور هنداوي علشان اكيد هتسمعله يعني قديمه شويتين ومفيش جديد على فكرة لانه مش بقى يدي
المهم يعني فهتلاقي كلام مكتوب ولكن للاسف العويص مالوش شرح

لكن هما كتب يعني تعتبرمراجع لاي حد عايز يفهم بازيك باثولوجي

نيجي بقى للكتب الجميييييييييييييييله بتاعت دكتور فيصل

دكتور فيصل تاني احسن حد عرفتهم في الكليه

دماغه عاليه اوي في الشرح

منظم اوي في الكتاب بتاعه

وعلى فكرة يا دكاترة نفس كلام القسم بالملي

ودول هتشتروها من سنتر جيت واسعارهم مش غاليه اوي

دكتور فيصل بقى يتميز في شرحه بالتنظيم والاسطمبات
يعني ايه
؟؟؟

بمعنى انه بيحفظك في الاول كلام كدة ينفع لاي مرض من غير ما تبقى فاكره اوي

يعني مثلا

لو المرض دة بسبب التهاب يبقى الاورجانيزم المسبب له كذا وكا وكذا
وانت مش مذاكر

لدرجه انه حط اسطمبات للاورام مثلا على سبيل المثال
اي ورم في الدنيا ممكن تالف تلات اربعه من غير ما تبقى فاكر ه اصلا

طبعا في شووووواااااااذ وهو بينبه عليها كتير اوي

بس نرجع ونقول ان النظام اللي في كتبه وانه ماشي على نفس الكلاممش بيتغير الا اقل القليل بيسهل على الواحد المذاكرة اوي في ماده ثقيله ظي الباثلوجي


نكمل بعدين بقى بقى ان شاء الله
معلش النت طلع عينيا عقبال ما كتبت البوست دة


*******

الباثولوجي

كنا اخدنا فكرة سريعه اوي عن المنهج وازاي نجاوب وازاي نذاكر وكدة

مش هاقدر اكتب كل تشابتر بيتكلم عن ايه لانهم كتير شويه بس اللي اقدر اقوله لحضراتكم ان في حاجات مينفعش تدخل من غيرها مهما حصل

زي مثلا
tumors
inflammation
repair
bilharziasis
TB
دول على سبيل المثال من التيرم الاول يعني

والتيرم التاني اعتقد ان كله مهم بس الاهم هو
GIT
liver
female
kidney

دة اللي انا فاكراه يعني

كل دة عن النظري

***

تحديث
نسمع لميييييييييييين ؟؟؟

عندكم محاضرات دكتور هنداوي وللاسف مفيش نسخ جديده
وزي ما قولت لحضراتكم ان في كلام جديد في كتاب الدكتور نفسه مش موجود في الشرايط

بس طبعا بيربط بين النظري والعملى وشرحه لا يعلى عليه اكيد


*********************************

ممكن تسمعوا كمان لدكتور فيصل
وانا بحب اسلوبه جداااااااااااااااا لانه منظم زي ما وضحت لحضراتكم وبرده بيقول في الكلينيكال كتيييييييير

بس للامانه يا دكاترة
السنه اللي فاتت كان في اختلاف شويه في نظام الامتحان مش عارفه هيطبق عليكم ولا لا وعلشان كدة محكتش عنه امال بقوله ليه ؟؟
علشان االحاجات اللي قرروا انها مش مهمه اوي معظمها كان دكتور فيصل مش بيشرحها
لو استمر نفس النظام دة هتبقى المحاضرات مفيده اوي
لو اتلغى يبقى تحاولوا تشوفوا اللي ناقصكم بقى
واللي مش فاهم قصدي ممكن اشرحله تاني عادي


العملى بتاع الباثولوجي مهم جدا

لانه

عليه درجات كتيرة 70 درجه
في دروووووووس
كلامه كتير اوي ومحتاج متابعه

بصوا بقى
انا واحده من الناس كان مرفوض هنا ف البيت رفضا تاما حكايه الدروس
وبالتالي مشيت بمبدا قولنا هنبني وادينا بنينا السد العالي
قول مش هاخد درس وهادوس على نفسي واجيب اللي هجيبه اللي اخد ان شاء الله
بقيت استلف الملازم من زمايلي وانقل الكومنتات واسالهم اعرف الشرايح ازاي وازاي تفرقوا الجار دة من دة وكنت بروح المتحف كتير اوي

اه تعب وملل بس مكانش في اختيار

بس في دروووووس للي عايز ياخد ويسهل على نفسه

في درس دكتور فيصل
في درس دكتور احمد سليمان
في درس دكتور ايهاب

واني ماخدتش فمعرفش اي حاجه عنهم بمعنى معرفش مين احسن او كدة يعني

بس انا سمعت محاضرات كدة لدكتور احمد سليمان هابقى اشوفها فين واجيبها ان شاء الله ظبطت منهم الشراح وازاي افرق بينهم وكدة والجارات اخدت ملزمه دكتور ايهاب ونقلت الكومنتات بتاعته على كل جار والحمد لله يعني

ا لعملى بيتقسم لشرايح وجارات

الشرايح دي يا دكاترة بتاخدوا العملى بتاعها في قسم الباثولوجي اللي قدام المستشفى او جنب المشرحه بتاعت المستشفى اللى ورا دي

المهم يعني القسم بيوزع علينا بوكس لكل 5 او 6 مش فاكرة اوي بمبلغ معين معرفش هيغيروووووووه ولا ايه وبتسلمووه في اخر السنه وبتاخدوا فلوسكم بس لازم تعرفوا ان اللي بيسكر شريحه بيدفع تمنها

ممكن تدخلوا المعمل في اي يوم وتدوا العامل الكارنيه وتاخد منه ميرسكووووووب وتقعد تشوف مع نفسك يعني
يعني مش محتاج ميكرسكوب في البيت لو ظروفك مش تسمح يعني

وطبعا في السكاشن العاديه الدكتور بيشرحلك الاول هتشوف ايه وبعد كدة بيكون في شرايح من القسم نفسه تتفرج عليها

الجارات بقى دة في المتحف
مكانه في قاعه الامتحان بتطلع السلم كانك رايح الامتحان عادي جدا
اول دور في قاعه هو دة المتحف مكان الامتحان بالظبط

في جارات في الدولايب ودكاترة بيشرحوا وبيسمعووووووووووووك ويعيدوا مفيش اي مشكله

واعتقد انه بيبقى مفتوح كل يوم برده للي عايز يتفرج
بس هم كتير بصراحه وعايزين مراجعه كتيـــــــــــــــــــــــــــــره وتشوفها اكتر من مرة
حتى لو بتاخد درس

مشكله الباثولوجي في العملى بتاعه
ومشكله العلمى في المتابعه

ولو ذاكرت النظري على فكرة قبل العملى هيريحك جداااااااااااااااا جداااااااااااااااا ان شاء الله

ربنا معاكم باذن الله

كدة مش ناقص الا توزيعه الدرجات

هما 300 درجه حضراتكم

الترم الاول 40 درجه

الترم التاني 150 درجه
75 ورقه اولى
75 ورقه تانيه

عملى 70 درجه
شفوي 20 درجه لجنه واحده
شوك اكزامس 12 درجه
و8 درجات امتحان ميد تيرم بيبقى صور بروجيكتور

كدة اعتقد خلص الباثولوجي نبدا بقى في المايكرو على طووووووول

ولو في حاجه افتركت ازودها هاكتبها والفت نظر حضراتكم ان شاء الله

السلام عليكم ورحمه الله وبركاته

المايكرو بقى يا دكاترة

هو عليه 200 درجه بس عايز متابعه ومذاكرة

يعني ايه مايكرو اصلا ؟؟؟؟؟؟


بندرس فيه
organisms
والامراض اللي بتعملها بكل بساطه

في منها بكتيريا وفي منها فيروسات

عليك تلات كتب

الكتاب الاول اللي هو
volume 1
دة جينيرال باكتريويوجي واميونيتي بس مش اي اميونيتي فهمتها هتحبها موووووووت مفهمتهاش هتتعب فيها اوي

volume 2
ودة باكتريولوجي
هتدرس فيها بكتريا كتتتييييييييييييييييييييرة وكل واحده شكلها وبنزرعها ازاي وبتعمل امراض ايه وتتعالج ازاي وكدة

volume 3
ودة فايرولوجي وفيه بنتكلم عن كل الفايروسات او معظمها يعني
وفي في الاخر جزء اسمه
applied
دة مهم جدااااااااااااااااااااا جدااااااااااااااا

يعني ترتيب الاهميه

في الترم الاول مش هتكونوا اخدتوا الا فولويم 1 والعملى وان شاء الله هاقول كل حاجه عنه

في الترم التاني

volume 2 > applied >volume 3>volume 1

يعني اهمهم 2 كدة تمام

حتى في الشفوي يا دكاترة

دي نظره عامه عن الموضوع

بالنسبه للنظري

النظري من وجهه نظري لازم تفهمووووووه كويس وبعدين تذاكروه وبعدين تحفظه وبعدين تراجعه هههههههههههه

بجد اي تقصير في اي خطوة هتحس بيها

يمكن لان المايكرو كانت مش ماده مفضله بالنسبالي الله اعلم يعني

بس لازم تبذلوا فيها مجهوووود

بالنسبه للمحاضرات الدكاترة كويسين والله وبيشرحوا بضمير

هو القسم عموما تحس انهم جامدين في التعامل شويه بس اللي مبيحبش النظام هو اللي هيتعب معاهم مش اكتر

اما عن الدروووووووووووووووووووس

فمفيش الا دكتور مرعي

احسن حد ممكن تسمع منه مايكرو في الدنيا

كل المحاضرات بفضل الله موجوده
************************_*****************_******* *************

ولو في مشكله انا معاكم باذن الله
اما عن الكتب

فمفيش الا كتب القسم بتشتروها من عندهم كمان

اتكلمنا عن الميكرو والنظري والكتب ناقص العملى بس

العملى حاولوا تفهموا معايا قصته براحه

هما فصلين بس

2chepters
واحد في اخر فوليوم 1
وواحد في اخر فوليوم 3

تمام كدة؟؟؟

هيتشرحوا في المعمل في السكاشن وبس

يعني بلاش تفتكروا انهم في كتب النظري فقال ايه بعد ما هيخلصوا النظري هيشرحوا العملى في المحاضرات تاني

اتفقنا كدة
؟؟

تمام

بس العملى بتاع التيرم الاول مختلف عن التيرم التاني

بتاع التيرم الاول بيدخل في امتحان نص السنه بتاع النظري

وبتاع التيرم التاني ليه امتحان العملى اللي هو ب عشرين درجه



في حته كويسه بقى

دكتور مرعي كان عامل مراجعات للعملى


للتيرم الاول والتيرم التاني كويس ؟؟

قبل التيرم الاول قبل اول سكشن ياريت تسمعوا المحاضرات دي

هتفيدكم اوي اوي اوي

بس بلاش الحركه دي التيرم التاني لانها معتمده ع النظري اوووووووووووووي



يبقى المحاضرات العملى بتاعت التيرم الاول هتتسمع في الاول

لكن التيرم التاني لااااااااااااااااااااااااااااااااااااا اديني بعيد اهو

تحديث

التيرم الاول عباره عن ايه في العملى

هيقولك احنا بنزرع البكتيريا على ايه ؟؟
واللي بنزرع عليه دة مكون من ايه ؟؟
طب طريقه الزرع دي ليه وازاي كدة
كله كلام عام
قشطات؟؟

التيرم التاني بقى عباره عن ايه في العملي

هيقولك لو احنا زرعنا بكتيريا على الماده الفلانيه وطلعلنا كدة
وبصينا تحت الميكرسكوب لاقينا كذا
ها تبقى دي ايه ؟؟

فهمتوا ليه بقولكم بتاع التيرم الاول يتسمع قبل ما تبداوا
لان هيبقى في السكشن حضرتك يادوب بتراجع
وبتشوف الصور

اما التيرم التاني
فعلشان خاطري ذاكروا النظري وبعدين تعالوا اسمعوا السكشن هتستفيدواااااااا جدا جدا

لانه تقريبا بيكون مراجعه ... بس كانت المشكله السنه اللي فاتت انهم كانوا بيبقوا سابقين جدا وده مع دوك عزة ... ممكن الدكتوره منى تختلف الله اعلم

سلام عليكم

نبدا بقى في البارا

البارا عليها كام 150 درجه

طبعا باين انها اصغرماده

انا هاتكلم معاكم الى حد ما بنفس لاترتيب اللي فات مع فارق بسيط

هاقولكم البارا في العصور القديمه ما قبل دفعتنا وفي عصر دفعتنا

لان العصرين يختلفان عن بعض شكلا ومضمونا


يعني بارا اصلا
بارا يعني ماده بتتكلم عن الديدان والطفيليات والحشرات
( يع )
هههههههههههههه

والله هو كدة

هتدرسوا في التيرم الاول الديدان

والتيرم التاني البوتوزوا والحشرات

طبعا بندرس اللي ليه اهميه طبيه

يعني الدودة اوالطفيلي اللي بيسبب المرض

برده الماده دي منظمه

بتدرس شكل الكائن اللي هتاخدوه ودة تفصييله بيبقى اكتر في العملي
تمام

وبعد كدة دورة الحياه

وبعد كدة المرض اللي بيسببه واازي

لو في مضاعفات

والعلاج

وكيفيه القضاء على هذا الكائن

بس دي الحاجات المشتركه بينهم كويس كدة؟؟

طب واحنا المطلوب نذاكر ايه

الحاجات حمراء اللون فوق تركز عليها اوووووي
لكن متسيبش حاجه هتعرفوا ليه كمان حبه

حلو كدة؟؟

الكتب بقى ومصادرالمعلومات
في عندكم كتاب القسم

مميزاته الرئيسيه انه كتاب القسم اللي بيجي منه الامتحان
ومعلوماته كتيره

العيوب بقى
مفيهوش رسومات كفايه
ساعات بحس انه ملخبط
في كلام مهم مش موجود فيه على اساس انك تعرفه من كتاب العملى بتاع القسم برده
يعني نظام زيتنا في دقيقنا



ورق دكتور موسى
مليئا بالرسومات التوضيحيه
ومنظم وحلو
مش فيه كل المعلومات
يعني من الاخر في الخلاصه وانا عن نفسي مش بحب كدة
ليه اعرف اقل لما ممكن اعرف اكتر

ورق الدكتورة عزة
دة انا شوفته ايام المراجعه
في العصور القديمه قبل دفعتنا يعني
كان الورق دة تدخل بيه الامتحان تقفله
مش تحل كويس لا تقفله

بس دة قبل عصرنا
احنا بقى الدكتورة رئيسه القسم كانت من محاربي الدروس لاخصوصيه فضربت ورق دكتور موسى
ومن محاربي مساعده الطلبه فضربت ورق الدكتورة عزة
وجابت امتحان من وحي الخيال ههههههههههه

يعني جابت امتحان اجاباته بعض اجابته علشان احقاقا للحق يعني مش في الكتاب

بس اوعووووووووووووووووا تاخدوووووه مقياس

بالله اوعوا تاخدووووه مقياس

اعملوااللي عليكم وخلاص

انا خرجت من الامتحان وبالذات بتاع التيرم التاني دة
ماما بتقولي عملتي ايه؟
قولتلها مذاكرة وذاكرت اكلت الكتاب
وقفلت العملى
وحليت الكتاب بتاع القسم وسمعت موسى وملتزمه في السكاشن ونزلت مراجعه اكتر من عشرميه مرة
اللي عايزين يعملوه يعملوووه

يعني مش هموت نفسي

اعتقد انتم برده اعملوا كدة

حاولواعلى اد ما تقدروا تجيبوا درجات وتذاكروا والله المستعان يعني

نرجع لموالنا
يبقى قدامنا كتاب القسم وورق الدكاترة
انا طبعا كنت بذاكرمن كتاب القسم وبالتالى اعذروني مش هاقدر افيدكم الا باللي قولته في حكايه الورق دة


نسمع لمين بقى
مسمعتش غير عن
دكتور موسى
الحاجات مرفوعه جاهزة
التيرم الاول تسجيل قديم شويه

والتيرم التاني 2009

توزيعه الدرجات
تيرم اول 20 درجه
تيرم تاني 75 درجه
عملى 20 درجه
شفوي 15 درجه على لجنتين
بحث او لوحه او ما شابه 5 درجات
ميد تيرم عملى على التيرمين مع بعض 5 درجات

باين كدة صح ولا ايه ؟؟